| | | ᠭᠡᠰᠡᠷ ᠤᠨ ᠲᠤᠮᠤᠭ ᠪᠤᠯ ᠭᠡᠰᠡᠷ ᠤᠨ ᠲᠤᠤᠯᠢ ᠲᠠᠢ ᠨᠤᠳᠤᠭ ᠤᠷᠤᠨ ᠢᠶᠠᠷ ᠦᠷᠬᠡᠨ ᠢᠶᠠᠷ ᠲᠠᠷᠬᠠᠭᠠᠭᠳᠠᠭᠰᠠᠨ | ᠬᠡᠰᠡᠷ ᠤᠨ ᠠᠮᠠᠨ ᠵᠤᠭᠢᠶᠠᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠭᠡᠯᠪᠡᠷᠢ ᠮᠥᠨ᠃ ᠲᠥᠪᠡᠳ ᠥᠨᠳᠥᠰᠥᠳᠡᠨ ᠴᠤ ᠭᠡᠰᠡᠨ ᠥᠭᠡᠢ᠂ | ᠮᠤᠩᠭᠤᠯ ᠥᠨᠳᠥᠰᠥᠳᠡᠨ ᠴᠤ ᠭᠡᠰᠡᠨ ᠥᠭᠡᠢ ᠪᠥᠷ ᠭᠡᠰᠡᠷ ᠤᠨ ᠲᠤᠮᠤᠭ ᠲᠠᠢ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠨᠤᠳᠤᠭ ᠲᠤ | ᠲᠡᠯᠭᠡᠷᠡᠭᠰᠡᠨ ᠭᠡᠰᠡᠷ ᠤᠨ ᠲᠤᠮᠤᠭ ᠢ ᠲᠠᠷᠬᠠᠵᠤ ᠲᠡᠯᠭᠡᠷᠡᠭᠰᠡᠨ ᠤᠷᠤᠨ ᠨᠤᠳᠤᠭ ᠢ ᠨᠢ ᠥᠨᠳᠥᠰᠥᠯᠡᠨ᠂ ᠲᠡᠭᠡᠳᠤ | ᠮᠤᠩᠭᠤᠯ ᠤᠨ ᠭᠥᠭᠡᠨᠠᠭᠤᠷ ᠭᠡᠰᠡᠷ ᠤᠨ ᠲᠤᠮᠤᠭ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ ᠭᠡᠰᠡᠷ ᠤᠨ ᠲᠤᠮᠤᠭ᠂ | ᠵᠢᠷᠢᠮ ᠤᠨ ᠬᠤᠷᠴᠢᠨ ᠭᠡᠰᠡᠷ ᠤᠨ ᠲᠤᠮᠤᠭ᠂ ᠵᠤᠰᠤᠳᠤ ᠶᠢᠨ ᠮᠤᠩᠭᠤᠯᠵᠢᠨ ᠭᠡᠰᠡᠷ ᠤᠨ ᠲᠤᠮᠤᠭ ᠭᠡᠵᠤ ᠭᠡᠳᠥᠨ | ᠲᠤᠭᠤᠷᠢᠭ ᠬᠤᠪᠢᠶᠠᠳᠠᠭ ᠪᠠᠶᠢᠨᠡ᠃ | ᠭᠡᠰᠡᠷ ᠤᠨ ᠲᠤᠮᠤᠭ ᠪᠤᠯ ᠭᠤᠤᠯᠳᠠᠭᠤ ᠭᠡᠰᠡᠷ ᠤᠨ ᠠᠭᠤᠯᠠ ᠤᠰᠤᠨ ᠤ ᠲᠤᠬᠠᠢ ᠲᠤᠮᠤᠭ ᠭᠤᠤᠯᠯᠠᠬᠤ | ᠪᠠᠶᠢᠷᠢ ᠶᠢ ᠡᠵᠡᠯᠡᠳᠡᠭ᠃ ᠭᠡᠰᠡᠷ ᠪᠤᠭᠳᠠ ᠶᠢᠨ ᠶᠠᠮᠠᠷ ᠨᠢᠭᠡᠨ ᠠᠭᠤᠯᠠ ᠤᠰᠤᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠮᠠᠩᠭᠤᠰ | ᠮᠤᠤᠰᠬᠠᠢ ᠲᠠᠢ ᠪᠠᠶᠢᠯᠳᠤᠭᠰᠠᠨ ᠨᠢᠭᠡᠨ ᠤᠴᠢᠷ ᠢ ᠲᠡᠮᠳᠡᠭᠯᠡᠵᠤ᠂ ᠬᠠᠷᠭᠢᠰ ᠮᠠᠩᠭᠤᠰ ᠮᠤᠤᠰᠬᠠᠢ ᠶᠢ ᠲᠠᠷᠤᠩᠭᠤᠢᠢᠯᠠᠵᠤ᠂ | ᠤᠷᠤᠨ ᠨᠤᠳᠤᠭ ᠢᠶᠠᠨ ᠬᠠᠮᠠᠭᠠᠯᠠᠨ᠂ ᠠᠷᠠᠳ ᠤᠯᠠᠨ ᠢᠶᠠᠨ ᠠᠵᠠ ᠵᠢᠷᠭᠠᠯᠳᠠᠢ ᠠᠮᠢᠳᠤᠷᠠᠭᠤᠯᠤᠭᠰᠠᠨ ᠰᠠᠨᠠᠭᠠ ᠶᠢ | ᠢᠯᠡᠳᠭᠡᠳᠡᠭ᠃ | | ᠬᠡᠰᠡᠷ ᠤᠨ ᠳᠤᠮᠤᠭ᠄ | | ᠠᠰᠬᠠᠨ ᠠᠭᠤᠯᠠ ᠶᠢᠨ ᠰᠡᠳᠡᠷᠭᠡᠢ | | ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠥᠪ ᠳ᠋ᠠᠪᠠᠨ ᠪᠠᠯᠭᠠᠰᠤᠨ ᠠᠴᠠ ᠬᠤᠶᠢᠰᠢ ᠭᠤᠴᠢᠭᠠᠳ ᠭᠠᠵᠠᠷ ᠤᠨ | ᠠᠯᠤᠰ ᠤᠰᠤᠳᠤ ᠭᠥᠳᠥᠯ ᠭᠡᠵᠤ ᠪᠠᠶᠢᠳᠠᠭ᠃ ᠤᠰᠤᠳᠤ ᠭᠥᠳᠥᠯ ᠤᠨ ᠬᠤᠶᠠᠷ ᠲᠠᠯᠡ ᠳᠤ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ | ᠭᠥᠨᠳᠡᠯᠢᠰᠥᠭᠰᠡᠨ ᠬᠤᠶᠠᠷ ᠰᠥᠷᠯᠢᠭ ᠠᠭᠤᠯᠠ ᠰᠥᠨᠳᠡᠷᠯᠡᠵᠤ ᠪᠠᠶᠢᠳᠠᠭ᠃ ᠪᠠᠷᠠᠭᠤᠨ ᠲᠠᠯᠡ ᠶᠢᠨ ᠠᠭᠤᠯᠠ ᠶᠢ ᠨᠢ | ᠲᠠᠷᠬᠠᠨ ᠠᠭᠤᠯᠠ ᠭᠡᠵᠤ᠂ ᠵᠡᠭᠦᠨ ᠲᠠᠯᠡ ᠶᠢᠨ ᠠᠭᠤᠯᠠ ᠶᠢ ᠨᠢ ᠠᠰᠬᠠᠨ ᠠᠭᠤᠯᠠ ᠭᠡᠳᠡᠭ᠃ ᠠᠰᠬᠠᠨ ᠠᠭᠤᠯᠠ ᠨᠢ | ᠠᠰᠬᠠ ᠥᠨᠳᠥᠷ ᠡᠭᠴᠡ ᠪᠤᠰᠤᠭᠠ ᠰᠥᠷᠯᠢᠭᠦᠨ ᠪᠤᠯᠬᠤᠷ ᠠᠰᠬᠠᠨ ᠠᠭᠤᠯᠠ ᠭᠡᠵᠤ ᠨᠡᠷᠡᠯᠡᠭᠰᠡᠨ ᠪᠤᠯᠤᠯᠳᠠᠢ᠃ | ᠠᠰᠬᠠᠨ ᠠᠭᠤᠯᠠ ᠶᠢᠨ ᠤᠷᠤᠢ ᠨᠢ ᠨᠡᠯᠢᠶᠡᠳ ᠶᠡᠭᠡ ᠰᠡᠳᠡᠷᠭᠡᠢ ᠤᠨᠢ ᠲᠠᠢ᠃ ᠡᠨᠡ ᠬᠦ ᠰᠡᠳᠡᠷᠭᠡᠢ ᠨᠢ ᠭᠡᠰᠡᠷ ᠤᠨ | ᠥᠯᠢᠭᠡᠷ ᠲᠤᠮᠤᠭ ᠲᠠᠢ ᠪᠢᠯᠡ᠃ | ᠡᠷᠳᠡ ᠤᠷᠢᠳᠤ ᠴᠠᠭ ᠲᠤ ᠠᠷᠵᠠᠭᠠᠷ ᠬᠠᠷᠡ ᠮᠠᠩᠭᠤᠰ ᠠᠭᠤᠢ ᠲᠤᠳᠤᠷᠡ ᠪᠠᠨ ᠬᠠᠨᠳᠠᠯᠡ ᠪᠠᠨ ᠤᠨᠳᠠᠵᠤ᠂ | ᠥᠯᠥᠰᠴᠤ ᠤᠮᠳᠠᠭᠠᠰᠤᠨ ᠰᠡᠷᠢᠭᠡᠳ ᠡᠨᠡ ᠨᠤᠳᠤᠭ ᠤᠨ ᠡᠵᠡᠨ ᠪᠤᠯᠤᠭᠰᠠᠨ ᠭᠡᠰᠡᠷ ᠪᠤᠭᠳᠠ ᠶᠢᠨ ᠡᠳ᠋ ᠡᠷᠳᠡᠨᠢᠰ ᠲᠤ | ᠲᠤᠷᠠᠯᠠᠨ᠂ ᠡᠭᠡᠨᠡᠷ ᠭᠡᠤᠭᠡᠳ ᠲᠤ ᠨᠢ ᠭᠤᠷᠢᠳᠠᠵᠤ ᠠᠭᠤᠢ ᠨᠥᠭᠡ ᠠᠴᠠ ᠪᠠᠨ ᠭᠠᠷᠴᠤ ᠢᠷᠡᠭᠡᠳ ᠭᠡᠰᠡᠷ ᠪᠤᠭᠳᠠ ᠲᠠᠢ | ᠠᠰᠬᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠲᠠᠭᠠᠷᠠᠯᠳᠤᠵᠤ ᠭᠡᠨᠡ᠃ ᠬᠤᠶᠠᠭᠤᠯᠠ ᠭᠡᠳᠥᠨ ᠡᠳᠥᠷ ᠭᠡᠳᠥᠨ ᠰᠥᠨᠢ | ᠪᠠᠶᠢᠯᠳᠤᠭᠠᠳ ᠢᠯᠭᠠᠭᠤᠷᠢ ᠭᠠᠷᠤᠭᠰᠠᠨ ᠥᠭᠡᠢ᠃ ᠬᠤᠶᠢᠬᠤᠷ ᠮᠠᠩᠭᠤᠰ ᠤᠨ ᠭᠥᠴᠥᠨ ᠨᠢ ᠪᠠᠭᠤᠷᠠᠬᠤ ᠳᠤ ᠪᠠᠨ | ᠬᠤᠯᠵᠢᠨ ᠠᠷᠭᠠ ᠭᠠᠷᠭᠠᠨ ᠬᠤᠶᠢᠰᠢ ᠤᠬᠤᠷᠢᠨ᠂ ᠠᠰᠬᠠᠨ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠭᠠᠷᠴᠤ᠂ ᠠᠰᠬᠠᠨ | ᠠᠭᠤᠯᠠ ᠶᠢᠨ ᠡᠩᠭᠡᠷ ᠤᠨ ᠠᠷᠪᠠᠨ ᠪᠤᠯᠠᠭ ᠤᠨ ᠤᠰᠤ ᠶᠢ ᠰᠤᠷᠤᠵᠤ᠂ ᠭᠡᠰᠡᠷ ᠪᠤᠭᠳᠠ ᠶᠢ ᠤᠰᠤᠨ ᠳᠤ ᠵᠢᠪᠥᠭᠦᠯᠵᠤ | ᠠᠯᠠᠬᠤ ᠭᠡᠯᠡ᠃ ᠴᠡᠴᠡᠨ ᠤᠬᠠᠭᠠᠨ ᠲᠠᠢ ᠭᠡᠰᠡᠷ ᠪᠤᠭᠳᠠ ᠭᠥᠪᠴᠢ ᠨᠤᠮᠤ ᠶᠢ ᠲᠥᠭᠦᠷᠡᠩ ᠲᠡᠯᠢᠵᠤ᠂ ᠬᠤᠪᠢᠯᠭᠠᠨ | ᠵᠠᠪᠠ ᠪᠠᠷ ᠭᠥᠨᠥᠭᠡᠯᠳᠤ ᠮᠠᠩᠭᠤᠰ ᠢ ᠬᠠᠷᠪᠤᠯᠡ᠃ ᠠᠷᠵᠠᠭᠠᠷ ᠬᠠᠷᠡ ᠮᠠᠩᠭᠤᠰ ᠤᠨ ᠤᠰᠤ ᠰᠤᠷᠤᠭᠰᠠᠨ ᠤᠯᠤᠭᠠᠢ | ᠬᠤᠳᠤᠭᠤᠳᠤ ᠨᠢ ᠤᠨᠤᠭᠳᠠᠵᠤ᠂ ᠨᠢᠭᠦᠯ ᠤᠨ ᠰᠠᠪᠠ ᠨᠢ ᠬᠠᠭᠠᠷᠠᠵᠤ ᠲᠤᠨᠢᠯᠠᠯᠡ᠃ ᠭᠡᠰᠡᠷ ᠪᠤᠭᠳᠠ ᠶᠢᠨ ᠢᠳᠡ | ᠭᠥᠴᠥᠳᠡᠢ ᠬᠤᠪᠢᠯᠭᠠᠨ ᠰᠤᠮᠤ ᠳᠤ ᠠᠰᠬᠠᠨ ᠠᠭᠤᠯᠠ ᠶᠢᠨ ᠤᠷᠤᠢ ᠨᠢ ᠰᠡᠳᠡᠷᠡᠵᠤ᠂ ᠠᠪᠤᠷᠭᠤ ᠲᠤᠮᠤ ᠴᠢᠯᠠᠭᠤ ᠨᠢ | ᠰᠢᠪᠠᠷᠳᠠᠢ ᠭᠤᠤᠯ ᠤᠨ ᠲᠡᠨᠵᠢᠨ ᠳᠤ ᠲᠤᠰᠴᠤ ︽ᠵᠢᠷᠭᠠᠯᠠᠩᠳᠤ ᠬᠠᠳᠠ︾ ᠪᠤᠯᠤᠨ ᠬᠠᠷᠪᠤᠭᠰᠠᠨ ᠰᠤᠮᠤ ᠨᠢ ᠪᠠᠭᠠᠬᠠᠨ | ᠪᠤᠯᠠᠭ ᠲᠤ ᠲᠤᠰᠴᠤ ᠪᠤᠯᠠᠭ ᠭᠠᠷᠭᠠᠨ᠂ ᠲᠠᠭᠢᠨ ᠴᠢᠨᠠᠭᠰᠢ ᠬᠠᠯᠢᠵᠤ ᠢᠮᠠᠭᠠᠳᠤ ᠠᠭᠤᠯᠠ ᠶᠢ ᠤᠨᠤᠵᠤ ᠠᠭᠤᠢ | ᠭᠠᠷᠭᠠᠭᠰᠠᠨ ᠭᠡᠨᠡ᠃ | | ᠳᠤᠯᠭᠠ ᠬᠠᠳᠠ | ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠳᠦᠪ ᠳ᠋ᠠᠪᠠᠨ ᠪᠠᠯᠭᠠᠰᠤᠨ ᠠᠴᠠ ᠵᠡᠬᠦᠨ ᠡᠮᠤᠨᠠ 200 ᠰᠢᠬᠠᠮ ᠭᠠᠵᠠᠷ | ᠵᠠᠶᠢᠳᠠᠢ ᠤᠤᠯ ᠤᠨ ᠶᠡᠬᠡᠨᠠᠭᠤᠷ ᠰᠤᠮᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠨᠠ ᠬᠡᠳᠤᠨ ᠪᠤᠰᠤᠭᠠ ᠬᠠᠳᠠ ᠪᠠᠶᠢᠳᠠᠭ᠃ ᠡᠨᠡ | ᠬᠠᠳᠠ ᠶᠢ ᠬᠦᠮᠤᠰ ᠳᠤᠯᠭᠠ ᠬᠠᠳᠠ ᠬᠡᠵᠤ ᠳᠠᠭᠤᠳᠠᠳᠠᠭ ᠪᠦᠬᠡᠳ ᠰᠤᠨᠢᠷᠬᠠᠯᠳᠠᠢ ᠰᠠᠶᠢᠬᠠᠨ ᠬᠡᠰᠡᠷ ᠤᠨ ᠦᠯᠢᠬᠡᠷ | ᠳᠤᠮᠤᠭ ᠲᠠᠢ ᠪᠢᠯᠡ᠃ | ᠡᠷᠳᠡ ᠤᠷᠢᠳᠤ ᠴᠠᠭ ᠲᠤ ᠠᠷᠪᠠᠨ ᠵᠦᠭ ᠤᠨ ᠡᠵᠡᠨ ᠪᠤᠭᠳᠠ ᠬᠡᠰᠡᠷ᠂ ᠠᠷᠪᠠᠨ ᠬᠤᠶᠠᠷ ᠳᠤᠯᠤᠭᠠᠢᠢᠳᠠᠢ | ᠠᠷᠵᠠᠭᠠᠷ ᠬᠠᠷᠠ ᠮᠠᠩᠭᠤᠰ ᠲᠠᠢ ᠳᠤᠯᠤᠯᠳᠤᠵᠤ ᠶᠠᠪᠤᠭᠰᠠᠭᠠᠷ ᠡᠨᠡ ᠨᠤᠳᠤᠭ ᠲᠤ ᠬᠦᠷᠴᠤ ᠢᠷᠡᠬᠡᠳ ᠳᠤᠭᠤᠭᠠᠯᠠᠬᠤ | ᠪᠤᠯᠵᠠᠢ᠃ ᠪᠠᠶᠢᠯᠳᠤᠭᠠᠨ ᠳᠤᠯᠤᠯᠳᠤᠭᠠᠨ ᠬᠢᠵᠤ ᠪᠠᠶᠢᠭᠠ ᠤᠴᠢᠷ ᠪᠢᠯᠡ ᠳᠤᠯᠭᠠ ᠪᠠᠶᠢᠬᠤ ᠦᠬᠡᠢ ᠳᠤᠯᠠ ᠬᠡᠰᠡᠷ | ᠪᠤᠭᠳᠠ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠪᠤᠰᠬᠠᠨ ᠳᠤᠭᠤᠭᠠ ᠪᠠᠨ ᠳᠠᠯᠪᠢᠵᠤ᠂ ᠠᠩᠬᠢᠯᠤᠮᠠ ᠰᠠᠶᠢᠬᠠᠨ ᠰᠦ ᠲᠠᠢ ᠴᠠᠢ ᠪᠠᠨ | ᠴᠢᠨᠠᠵᠤ᠂ ᠴᠠᠢ ᠪᠠᠨ ᠰᠦᠯᠡᠬᠡᠳ ᠤᠤᠭᠤᠬᠤ ᠬᠡᠵᠤ ᠪᠠᠶᠢᠳᠠᠯᠠ ᠵᠦᠭ ᠤᠨ ᠮᠠᠭᠤ ᠵᠡᠬᠦᠨ ᠬᠤᠶᠢᠳᠤ ᠠᠴᠠ ᠰᠠᠯᠬᠢᠨ | ᠳᠡᠭᠳᠡᠨ᠂ ᠬᠤᠮᠠᠭ ᠰᠢᠷᠤᠢ ᠬᠡᠶᠢᠰᠴᠤ᠂ ᠠᠷᠪᠠᠨ ᠬᠤᠶᠠᠷ ᠳᠤᠯᠤᠭᠠᠢᠢᠳᠠᠢ ᠠᠷᠵᠠᠭᠠᠷ ᠬᠠᠷᠠ ᠮᠠᠩᠭᠤᠰ ᠠᠷᠠᠳ | ᠢᠷᠬᠡᠳ ᠢ ᠬᠦᠨᠦᠬᠡᠵᠤ᠂ ᠠᠳᠤᠭᠤ ᠮᠠᠯ ᠢ ᠵᠠᠯᠬᠢᠨ᠂ ᠬᠡᠰᠡᠷ ᠪᠤᠭᠳᠠ ᠶᠢ ᠬᠡᠨᠡᠳᠡᠬᠦᠯᠵᠤ ᠴᠤᠬᠢᠬᠤ ᠪᠠᠷ ᠠᠶᠢᠰᠤᠢ᠃ | ᠬᠡᠰᠡᠷ ᠪᠤᠭᠳᠠ ᠠᠭᠤᠷ ᠬᠢᠯᠢᠩ ᠳᠦᠷᠤᠵᠤ᠂ ᠬᠦᠬᠡ ᠴᠠᠢ ᠪᠠᠨ ᠤᠤᠭᠤᠯ ᠦᠬᠡᠢ᠂ ᠰᠠᠨᠳᠤᠷᠤᠭᠰᠠᠨ | ᠬᠦᠴᠤᠨ ᠳᠤ ᠪᠠᠨ ᠳᠤᠯᠭᠠ ᠪᠠᠨ ᠢᠰᠬᠦᠯᠵᠤ ᠪᠠᠶᠢᠯᠳᠤᠬᠤ ᠪᠠᠷ ᠮᠤᠷᠳᠠᠯᠠ᠃ ᠢᠰᠬᠦᠯᠦᠭᠳᠡᠭᠰᠡᠨ ᠨᠢᠬᠡ ᠤᠴᠤᠭ | ᠴᠢᠯᠠᠭᠤ ᠨᠠᠯᠢᠶᠠᠳ ᠵᠠᠶᠢᠳᠠᠢ ᠨᠢ ᠰᠢᠯᠵᠢᠵᠤ ᠶᠠᠪᠤᠪᠠ᠃ | ᠬᠡᠰᠡᠷ ᠪᠤᠭᠳᠠ ᠶᠢᠨ ᠪᠤᠰᠬᠠᠭᠰᠠᠨ ᠴᠢᠯᠠᠭᠤ ᠨᠢ ᠳᠤᠯᠭᠠ ᠠᠭᠤᠯᠠ ᠪᠤᠯᠵᠤ᠂ ᠬᠡᠰᠡᠷ ᠪᠤᠭᠳᠠ ᠶᠢᠨ ᠢᠰᠬᠦᠯᠵᠤ | ᠬᠠᠶᠠᠭᠰᠠᠨ ᠠᠴᠠ ᠪᠤᠯᠤᠭᠰᠠᠨ ᠨᠢᠬᠡ ᠳᠤᠯᠭᠠ ᠶᠢᠨ ᠴᠢᠯᠠᠭᠤ ᠰᠢᠯᠵᠢᠬᠡᠳ ᠨᠦᠬᠦᠬᠡ ᠬᠤᠶᠠᠷ ᠱᠤᠷᠤᠩ | ᠠᠭᠤᠯᠠ ᠠᠴᠠ ᠪᠠᠨ ᠵᠠᠶᠢᠳᠠᠢ ᠬᠠᠳᠠ ᠪᠤᠯᠤᠭᠰᠠᠨ ᠬᠡᠨᠠ᠃ |